右後腳手術第3日 [回家]

2014年4 月23日 (星期三)

住咗3日兩夜醫院，今日可以出院喇!其實中午時間已經可以出院，但爸爸要返工，所以放工先可以接小mi。

入院第一日爸爸已經放低咗狗袋係醫院，咁小mi出得院，爸爸就隨時可以去接小mi，不然要回家拿狗袋就麻煩了。

小mi回到家時沒有太大的反應，可能佢好倦，抱出狗袋見到佢既傷口，就知點解小mi咁倦了。

慘豬豬，開刀開得好長，見到都覺得好痛，好心痛呀!

剷毛又剷咗好多，差唔多剷了半邊身，小腿位仲剷損咗好多撻。>_<

醫生建議果籠或圍欄，但對小mi來講咁困的話，佢肯定會原地跳，爭扎想出籠，因為見到Shiro可以周圍走，佢唔會肯困住。

但唔果又驚佢跳sofa，最驚係Shiro走去搞佢。

於是諗到放小mi係椅上，呢張椅好重好實淨，三邊圍住床仔無咁易走位，加上小mi係椅上係唔夠膽跳落地，無困住佢，佢唔會想原地跳，加上Shiro又跳唔到上去，就唔洗驚Shiro搞佢。

小蕾話要行去摸小mi，同小mi講：「小mi唔洗驚，好快好返!」

鍚啖小mi

我叫佢唔好整到小mi，佢好聽話，只係細細力摸小mi。

夜晚訓覺泊小mi係床邊同我地一齊訓。

夜晚見小mi訓得好自在，成個人咁肚腩仔向上訓，心情終於放鬆晒，希望佢早日康復! 健健康康!