右後腳手術第1日 [入院做手術]

2014年4月21日 (星期一) 復活節假最後一日

Book咗今日中午1點做手術，係做手術前要先抽血Body Check確定身體狀況良好先可以做手術，爸爸放低小mi係診所就要回家，因為小mi做完手術後需要留院觀察唔可以即日回家。

小mi個樣無晒心機，小mi認得呢個地方的(因為佢係呢個診所desex)，前日睇醫生前，係診所出面想先放小mi VV，小mi驚到唔想出袋VV。

希望小mi手術順利!

我在家等診所打電話來，等到6點仲未有消息，我就打電話去問，姑娘回覆仲係手術室做緊，又等到8點仲未有消息，我開始擔心又打去問，終於差唔多8:30姑娘打來話小mi手術順利，麻醉已經醒得7788，聽完後成個人放鬆晒，真係擔心屎我。

姑娘無講過有做十字韌帶手術，我自己都唔記得問，但就同我講剝咗3隻上門牙，1隻下門，醫生之前提意剝的，因為小mi前門牙仔鬆，唔剝的話，牙肉會委縮，加上現今的狗食野時唔會點用到前面的牙，所以對食野無影響。

小mi前面上門牙係兩隻牙叠住的，成日都會藏食物渣、毛線，我一直都驚佢會牙隙發炎，依家既然要麻醉，醫生都提意剝，所以我地都決定剝。

PS：回家後鍚小mi，發現小mi剝牙後係完全無晒口嗅。