一直想買風乾機好耐,但風乾機種類太多,質數差次,又驚大部無位擺,好多因素關係遲遲未買,直至早前Karen同我講茶包訂咗部,二人同行仲有優惠,機款亦係我心儀果部,三人同行一樣有優惠,真係好吸引,終於決定買。
禽日收貨了,好大個盒。
跟機有食譜、擠肉槍、乾燥包、錫紙袋、多春魚乾。
收機第一日無買食材,所以無得即時開機,第二日同小蕾去買食材,準備第一機。
整咗3層生果小食,第4層係時候整小mi Shiro既小食喇!
我將三文魚、牛柳、紅蘿蔔同蒜頭(只落了手指尾指甲大小的蒜頭)攪爛mix埋,再用擠肉槍造型。
今次用呢個兩頭咀。
初時我連網放tray擠,但擠到尾會頂住,所以我拿起個網,擠好肉先再放回tray度,咁樣易就位好多。
淨返少少擠係第5層度,見有位加多條香蕉。
經過5個小時之後,開始試質感,比小蕾試食過1次後,佢不停話要再食,就係咁,食完又食,不停同佢講整耐d會仲好食,一陣先食,不然未風乾完已經食晒,哈哈哈!
(初初切好菠蘿比1小舊佢食,佢話好酸lur咗,但風咗既佢就話好好味,係咁食,哈哈!)
小mi同Shiro都好想食。
經過生果10小時、肉條9小時既風乾時間,零晨2點幾收成了。
生果由於我唔係切得起薄,所以質咁唔係好脆果種,係似芒果乾質咁,菠蘿好好食,香蕉可以再風耐些,脆些會更好食。
肉條夠乾身,雖然只係落咗好細舊蒜頭,不過充滿蒜香,下次可以再落少d,試食過,好味,脆得來,咬時又有肉既質感。(讚自己,哈哈! 臉紅ing!)
Shiro 食過肉乾後,到食早餐時,我將肉乾撈落乾糧度,肥豬仔揀哂d肉乾嚟食,d糧一粒都無食過。
小朋友同毛小孩都有好多健康零食
回覆刪除要研究風其他野,生果糖分太高,唔覺唔覺食太多。:p
刪除買一部機,一家人都有健康小食,正!
回覆刪除你好勁咁快就玩槍!叻
好毒呀!Shiro唔肯食早餐,所以晚餐唔整全HM,只係雞軟骨溝糧,佢食晒雞軟骨就算,連小mi都學埋一份,唔理佢地,餓佢地,訓覺前Shiro先屎屎地氣去食糧。
刪除搵到部質素好,又細部的風乾機,真係好。最怕買左部又唔side電,又怕會爆既強國機,話晒都要開著10幾個鐘
回覆刪除呢部質素好,但好大部架!所以先諗咁耐,不過真係唔錯。
刪除作者已經移除這則留言。
回覆刪除因為我部焗爐可以80度對流, 所以我已經用焗爐整低溫烘乾肉乾 :D, 無買零食好耐
回覆刪除其實我焗爐都有60度對流,但做出來質感始終有些唔同,同埋個爐都細,整得太少,依家可以一次過整多些,整埋人食果份,不過好處亦係壞處,真的好大部。(所以屋企一直有人唔讚成我買的⋯(聲聲細))
刪除XDDDDD會唔會係時間唔夠,因為我用80度都整四五個鐘,我覺得都似風乾出嚟,再講我都係唔想要多舊嘢,不過要求唔同嘅,宜家可以一次整埋人嗰份點都抵到爆喇
刪除小蕾, 小mi , 蘿仔會有好多風乾食物食了yeah~ 又健康又乾淨 , 食得放心heheee
回覆刪除