健康小食由始起

2014年5月2日 (星期五)

一直想買風乾機好耐，但風乾機種類太多，質數差次，又驚大部無位擺，好多因素關係遲遲未買，直至早前Karen同我講茶包訂咗部，二人同行仲有優惠，機款亦係我心儀果部，三人同行一樣有優惠，真係好吸引，終於決定買。

禽日收貨了，好大個盒。

跟機有食譜、擠肉槍、乾燥包、錫紙袋、多春魚乾。

收機第一日無買食材，所以無得即時開機，第二日同小蕾去買食材，準備第一機。

整咗3層生果小食，第4層係時候整小mi Shiro既小食喇!

我將三文魚、牛柳、紅蘿蔔同蒜頭(只落了手指尾指甲大小的蒜頭)攪爛mix埋，再用擠肉槍造型。

今次用呢個兩頭咀。

初時我連網放tray擠，但擠到尾會頂住，所以我拿起個網，擠好肉先再放回tray度，咁樣易就位好多。

淨返少少擠係第5層度，見有位加多條香蕉。

經過5個小時之後，開始試質感，比小蕾試食過1次後，佢不停話要再食，就係咁，食完又食，不停同佢講整耐d會仲好食，一陣先食，不然未風乾完已經食晒，哈哈哈!

(初初切好菠蘿比1小舊佢食，佢話好酸lur咗，但風咗既佢就話好好味，係咁食，哈哈!)

小mi同Shiro都好想食。

經過生果10小時、肉條9小時既風乾時間，零晨2點幾收成了。

生果由於我唔係切得起薄，所以質咁唔係好脆果種，係似芒果乾質咁，菠蘿好好食，香蕉可以再風耐些，脆些會更好食。

肉條夠乾身，雖然只係落咗好細舊蒜頭，不過充滿蒜香，下次可以再落少d，試食過，好味，脆得來，咬時又有肉既質感。(讚自己，哈哈! 臉紅ing!)

Shiro 食過肉乾後，到食早餐時，我將肉乾撈落乾糧度，肥豬仔揀哂d肉乾嚟食，d糧一粒都無食過。