右後腳手術 [覆診]

2014年5月4日 (星期日)

做手術後約2星期要覆診拆線，爸爸帶小mi去覆診，爸爸話拆線時小mi無叫過一聲，都算難得，因為小mi好細膽，估唔到佢唔叫。


之前醫生懷疑佢十字韌帶斯裂，原來無斯裂，而係因為膝關節移位壓住十字韌帶發炎。

檢查後，醫生話依家膝關節回復之前一樣，ok無問題。可以跑草、游水、同Shiro打交。哈哈!

小mi做手術後第10日先肯用右後腳行路，之前一直有少少擔心佢，究竟係佢細膽驚痛定手術做得唔好搞到仲係吊腳(因為Jenny話毛姐做手術後好快就已經用返做手術的腳行路無吊腳)。但康復進度好快，佢雖然係吊隻腳，但照樣跳落細sofa(激屎人)，依家好似咩事都無，但我最盡都唔會比佢跳來跳去。

有一件事好奇怪，小mi做手術回家時，Shiro初頭會行去聞小mi隻腳，我叫Shiro唔好搞小mi，佢無搞小mi，兩個各自休息，但過多幾日，Shiro就聊小mi打交(應該係得佢單方打小mi)，仲想咬小mi做手術隻腳，佢好似唔知小mi隻腳有事，或者佢覺得小mi已經好返晒可以同佢玩打交，真係俾佢激親又搞笑。