試跳芭蕾舞

2013年10月26日（星期六）

連續兩個星期都同小蕾去試堂跳芭蕾舞，一來想睇下佢係未真係鐘意跳舞，兩來如果真係要學，就要試幾間學校比較一下。

觀察咗兩堂嘅結論係⋯⋯小蕾真係好鐘意跳舞，見佢上堂好專心，跟足老師指導去做（平時返pre-schol都唔係全部聽老師講，又會走來走去）笑晒口、上得好開心，第一次係陌生地方上堂（兩間唔同學校）都完全無喊過，又唔會扭要我陪佢入課室上堂（返咗3個月pre-school，到依家有時入課室都扭我陪上堂，唔陪就會喊一陣。）見佢表現同平時唔同，證明佢真係好鐘意跳舞。

影片中綠色褲係小蕾

試咗兩間，佢地教法好唔同，都唔知揀邊間好，試埋第三間才決定。^^