呢段片係我入院生星葵時爸爸拍的，當時爸爸正推住BB車帶筱蕾來探我，筱蕾在BB車訓著咗，發開口夢叫：「媽媽」
每次睇返我都好感動同心痛，好掛住筱蕾，好想即刻攬住筱蕾。
事隔1個多月，有一日筱蕾拿爸爸的電話玩，突然對住我喊，我問佢做咩事，佢俾電話我睇，原來佢睇緊呢段片，令佢諗起當日情境，所以喊。
其後偶然又睇到呢段片，筱蕾會指住同我講；「喊」
真係令我好感動，明明段片佢都無喊，但佢會喊，因為佢記得好清楚、好掛住我，依家寫寫下，諗起我都忍唔住喊。
筱蕾真係好愛我，最近因為星葵有時忽略咗佢，又話多咗佢，其實我都好唔開心，我每次話完佢都會自責，因為好多時佢曳既原因係因為我照顧緊星葵，佢想做d野引我注意，但就俾我鬧。
寶貝女對唔住呀!
Le D真係名乎其實發夢都掛住你！真係好sweet又令人心痛
回覆刪除真係開心又心痛，好鐘意佢依家呢棵心，好真誠，隨心表達。
刪除小蕾太可愛了，將來一定係個感性的女孩~~
回覆刪除
回覆刪除現今小朋友思想大得太快，希望佢嘅童真可以keep耐些。